CV "De Doorzètters"

Beste Doorzètters en Doorzètterinnekes,

Ich bèn èllef jaor geleeje, op 23 Augustus 2000 gebaore. Ich woon saame mit miene broor Dwayne, mien greùtsje Pap en Mam en d’n hônd Loutka op de Sjaubikkerssjtraot nummer 33, in Nibik

Ich Sjpeel gaer ein pötje voetbal en ben dao-rôm auch lid van V.V. Neerbeek saame mit mien vrunj van V.V. Neerbeek voetballe veer in ein cômbinatie D4 bie Caesar in Baek.

Zoa-lang ès ich mich kèn herinnere druim ich d’r van ôm Jeugdprins te waere bie de Doorzètters; te kènne geneete van de vastelaovend mit al zien hoogtepunte, zoa es: de vaere op de sjteek, ’t belaeve en mitmaake van de jeugd en sjoale-carnaval, de receptie en natuurlik es knaller d’n optoch op vastelaovend-dinsdig .

De outverkeezing tot jeugdprins pakte dit jaor gunstig oet veur mich …….mèr de Pap en de Mam höbbe dit pas laat taege mich gezag. Achteraaf eine sjpannende tied, wo-bie ich op niks geraekend haw!

Ich belaof uch dan auch dat ich uch neet teleur zal sjtèlle . Saame mit uch allemaol , jôngk , auwt , groat en klein gaon veer, sjus wie biè al mien veurgangers en veurgangsters , knalle .

De jeugcarnaval in Nirbik laef ès noats te veure en dat wil ich gaer mit uch , miene adjudant Manouk en de jeugraod achterein  in de polonaise gaon , alle waeke veuraaf , en zeker de vastelaoves daag langk .


Ich sjleet nou  aaf mit ôzze liefspreuk : 

Mit dees daag höb ich rood , geel, greun blood in mien lief,
doarôm houp ich dat geer same mit mich,
de carnaval viert en tot de lètste noat blieft.

Nirbik Alaaf

Jeugdprins Quin I