CV "De Doorzètters"

Beste Doorzétters en Doorzétterinnekes

Es ièsjte prinse-paar van de Doorzètters in Nirbik wille veer ôs gaer , hiel gaer aan uch veursjtèlle : 

Ich , Danny , 41 jaor geleeje geboare in Zitterd en getoage in Uermend , woon al 7 joar in Nirbik en bèn dao de kômmende 60 jaor neet weg te kriege .

Ich , Bianca , bèn es ech vastelaoveskeindj , 39 jaor geleeje gebaore en getaoge in Baek . Woar ein ech pottentaotinneke , todat ich 7 jaor geleeje in Nirbik terech kaom en dao bevange woord mit ’t vastelaovesleave van de Doorzètters .

Ich, Danny , bèn eine echte sjportfanaat , renne , fitse en nog een belke trappe bie de veteraane van V.V. Neerbeek , ’t lök op ziene tied nog bes good . Veur de res sjpeelt humor en gezelligheid ein belangrieke rol in mien laeve.

Ich Bianca , hôb ein muzikaal hart dat sjneller geit kloppe bie blaosmeziek en ich hauwt van gezelligheid en sfeer maake in ôs hoes .

Saame hôbbe veer 2 sjitterende zone , Quin en Dwayne , ze volge altied in ôs sjpaor mit de vastelaovend zoa-wie-zoa ………en dit jaor 2012 , waal hièl bijzônder .

Saame wille veer mit ooze wize raod veur-op gaon , saame mit alle luuj vasteloavend viere in Nirbik en ômsjtreeke . Mit völ sjpas , lol en plezeer kieke veer veuroet op eine super-vastelaovend mit as aafsjleeting eine grandiooze optoch door ôs eige dörp . Ederein zeen veer gaer, hiel gaer  kômme en eerderein maog mitdoaon !



Veer sjleete noe  aaf mit ôzze liefspreuk : 

Mit de Muziek door ôzze stroate zette veer het dörp op de kop,
mit ôzze kriebels in de bein loupe veer same veur-op. 
Geneete van alles deze Carnaval , de spass , het plezeer,
mit optoch en ….oetgeloate sfeer. 

Doorzetters ALAAF!!

Prins Danny 2e & Prinses Bianca