Opzeuk nao de Vastelaovend 2021

Leef Doorzètters en Doorzètterinnekes,

Binnekort is ‘t weer 11-11, eine datum wo op eder jaor ‘t vastelaovesseizoen wurdt geaopend!

Zwao es alles dit jaor, zal ouch dat angersj zeen es wie geer van ôs gewènd zeet. Mèr ... veer wille de aopening neet ongemèrk veurbie laote gaon.

Veer numme uch mit door ‘t Doorzèttersriek en gaon op zeuk nao vastelaovend 2021. Gaot geer mit?

Via eine app krieg geer eine leuke interaktieve sjpeurtoch veurgesjoteld. De code veur de toch ontvangt geer bie de (gratis) insjrieving.

De sjpeurtoch is te loupe vanaaf de aopening van ‘t seizoen op 11-11-2020 tot en mèt 6 december (zodat Sinterklaos ‘m ouch nog loupe kint).

Dees aktiviteit is bedoeld om oetsjloetend mit uch eige gezin (“bubbel”) oet te veure. Corona-proof dus 🦠⚠️

Deilname is gratis en insjrieve is verplich, via www.doorzetters.nl